田樸珺

田樸珺

內地女星田樸珺自爆與陳可辛私交甚篤，令陳可辛與吳君如出現感情危機。君如好友古天樂昨日出席《荃灣廣場Ｘ逃出生天3D》造勢大會，以一貫低調作風封口護友：「我哋乜都會傾，但都係傾電影、圍繞家庭同佢個女，其他嘢我唔會插嘴。（佢唔開心？）我啱啱先返到香港。（相信報道？）通常局外人最好少講句說話，報道歸報道，作為朋友唔會回應。」而另一好友薛凱琪（Fiona）則聲援君如，怒插田樸珺的言論傷害君如一家：「任何君如家庭以外嘅女人講嘢都唔可信，佢講嘅嘢傷害人家庭，明眼人都睇到可信性有幾高。呢啲回應只會講一次，唔想幫助人哋借上位。」她力證陳可辛對君如及愛女都一樣Sweet爆。而陳可辛亦反駁田樸珺，透過公司發表「愛的宣言」：「如果一定要說閨密，他只有一個，就是君如。」