最肥小龍女 陳妍希

最肥小龍女 陳妍希

內地重拍金庸名著《神鵰俠侶》，而小龍女一角傳由陳妍希飾演，惹起網民熱議，有網民認為今年30歲嘅妍希年紀大，而且塊面太圓，冇晒小龍女不食人間煙火氣質，又認為佢氣質唔夠古典，身材稍胖唔夠輕盈，就連王晶都忍唔住踩多腳。

今日內地編劇于正，喺微博貼咗三張妍希BB試造型照，于正仲留言話：「吵吵吵，吵個鬼，不就想看個定妝照嗎？定妝是沒有，但光試妝就夠秒殺你們了，哇哈哈哈。」

妍希BB嘅小龍女試妝照曝光後，網民即瘋傳，但彈多過讚，有人指妍希BB唔係大家心目中嘅小龍女，亦有人話其實比想像中好多，只係髮型仍需改進。不過更多網民認為最經典嘅，始終係陳玉蓮飾演嘅小龍女。